Немцы выполнят обещания, данные лепельчанам

germaniya1

На пачатку гэтага месяца на Лепельшчыне пабывала дэлегацыя прадстаўнікоў міжнароднай дабрачыннай арганізацыі “Дамы замест Чарнобыля”. У планах нямецкіх мецэнатаў значыўся і візіт у тэрытарыяльны цэнтр сацыяльнага абслугоўвання насельніцтва. Мы папрасілі дырэктара цэнтра Наталлю Іванову распавесці падрабязнасці сустрэчы.

Хто менавіта, акрамя вас, быў на гэтай сустрэчы?

 — З нямецкага боку – Эльтрауд і Крыстоф Шыл з перакладчыкам, з нашага – начальнік упраўлення па працы, занятасці і сацыяльнай абароне райвыканкама Васіль Рававы.

Пра што ішла размова?

 — Абмяркоўвалі пытанні далейшага будаўніцтва будынку цэнтра сацыяльна-бытавой і працоўнай рэабілітацыі людзей з абмежаванымі магчымасцямі. Мы правялі экскурсію па будоўлі, паказалі, што і як зроблена.

Якія высновы зрабілі немцы?

 — Засталіся задаволенымі. Яны ўбачылі, што цалкам знесены стары будынак, падведзены камунікацыі, устаноўлены фундамент. Такім чынам, абавязацельствы, прынятыя нашым бокам, выкананы. Нямецкія калегі расказалі, што збор сродкаў на будаўніцтва аб’екта праходзіць у Германіі паспяхова. Ужо нават у першым месяцы гэтага года сабрана болей, чым у папярэднім. Адзначылі, што ў іх ёсць магчымасць выканаць сваю частку абавязкаў.

А якім чынам адбываецца збор сродкаў на будаўніцтва?

 — У Германіі прайшла дабрачынная акцыя па зборы сродкаў сярод насельніцтва. Людзям вельмі падабаецца праект і яны ахвотна адгукаюцца. Так адна жанчына, якая раней спансіравала пяцьдзясят еўра, гэтым разам знайшла магчымасць выдаткаваць тысячу еўра. Падключаюцца і іншыя, хто раней не ўдзельнічаў у акцыі. Вось нядаўна новая фундатарка ахвяравала паўсотні еўра.

— Калі распачнецца другі этап будаўніцтва і як яно будзе весціся?

 — Ужо ў ліпені-жніўні гэтага года на аб’ект прыедуць валанцёры і спецыялісты з Германіі. Будуць таксама задзейнічаны і добраахвотнікі з Лепельшчыны, у тым ліку і інваліды. Будаўніцтва будзе весціся ў два этапы. На кожным этапе прымуць удзел да трыццаці чалавек.

Гутарыў Уладзімір МІХНО.

 На здымку: нямецкая дэлегацыя на сустрэчы ў тэрытарыяльным цэнтры.

Добавить комментарий

Ваш e-mail не будет опубликован.

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>