Ім патрэбны асаблівая ўвага і клопат

Абласны семінар-практыкум «Арганізацыйна-метадычныя аспекты

дзейнасці педагога-псіхолага пры ажыццяўленні дыягностыкі і карэкцыі   развіцця, якое не адпавядае агульнапрынятаму» прайшоў на базе аддзялення дзённага знаходжання для інвалідаў ДУ «Тэрытарыяльны цэнтр сацыяльнага абслугоўвання насельніцтва Лепельскага раёна».

Мерапрыемства было арганізавана Лепельскім раённым цэнтрам карэкцыйна-развіццёвага навучання і рэабілітацыі. У склад удзельнікаў увайшлі педагогі-псіхолагі цэнтраў карэкцыйна-развіццёвага навучання і рэабілітацыі паўночнага рэгіёна.

Адкрыла мерапрыемства Марына Фёдарава, дырэктар Віцебскага абласнога цэнтра карэкцыйна-развіццёвага навучання і рэабілітацыі.

З канцэпцыяй развіцця сістэмы адукацыі нашага раёна, яе дасягненнямі і прыярытэтнымі накірункамі гасцей азнаёміў АнатольКарпіцкі, начальнік аддзела па адукацыі Лепельскага райвыканкама.

У ходзе семінара-практыкума былі разгледжаны пытанні псіхолага-педагагічнага суправаджэння дзяцей ранняга ўзросту ва ўмовах цэнтра карэкцыйна-развіваючага навучання і рэабілітацыі, удзелена пільная ўвага карэкцыі парушэнняў паводзін у навучэнцаў, разгледжаны прыёмы працы з дзецьмі, якія маюць такія парушэнні.