Освобождение Лепельского района в июне 1944 : подвиги награжденных воинов

Сярод узнагароджаных камандзір гарматы 712 знішчальна-супрацьтанкавага артылерыйскага палка старэйшы сяржант Сяргей Гаршкоў. Разлік гараматы Гаршкова 28 чэрвеня 1944 года, уварваўшыся на паўднёва-заходнюю ўскраіну горада Лепель, адкрыў агонь па самаходнай гармаце “Артштурм”, падбіў і спаліў яго, чым забяспечыў выхад танкаў у атаку. У гэтым баі агнём гарматы спаліў адну аўтамашыну, разбіў 6 павозак з боепрыпасамі, знішчыў да 40 салдат і афіцэраў праціўніка. За гэты бой сяржант Гаршкоў быў узнагароджаны ордэнам Чырвонай Зоркі. У сакавіку 1945 года за ўзорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым адвагу і гераізм Гаршкову Сяргею Ільічу прысвоена званне Героя Савецкага Саюза з уручэннем ордэна Леніна і медаля “Залатая Зорка”.
У баях за Лепель вызначыўся камандзір самаходнай артылерыйскай устаноўкі СУ-122 малодшы лейтэнант Пётр Глушанкоў. Агнём сваёй устаноноўкі экіпаж Глушанкова знішчыў некалькі варожых кропак праціўніка, якія затрымлівалі прасоўванне наступаючых частак Чырвонай арміі. За вызваленне Лепеля Пётр Глушанкоў быў узнагароджаны ордэнам Айчыннай вайны ІІ ступені.
28 чэрвеня 1944 года ў баі каля вёскі Рудня на бальшаку Лепель – Бягомль разлік СУ-85 пад камандаваннем лейтэнанта Яфрэмава знішчыў тры атамашыны праціўніка. У наступным з сасады было знішчана яшчэ дзевяць аўтамабіляў. За гэты бой Георгій Яфрэмаў быў узнагароджаны ордэнам Чырвонай Зокі.
Дзякуючы мужнасці і гераізму байцоў і камандзіраў Чырвонай арміі, партызанаў, за некалькі дзён баёў тэрыторыя Лепельскага раёна поўнасцю была вызвалена ад нямецка-фашысцкіх захопнікаў.
​Валерый Тухта
На здымках: 1. Сяргей Гаршкоў, 2. Пётр Глушанкоў