Ежедневно они расчищают сотни метров бордюра

За апошнія гады, праходзячы па вуліцах горада, неаднойчы звяртаў увагу на зарослыя травой бардзюры ўздоўж тратуараў і пешаходных дарожак. У некаторых месцах яны былі настолькі задзірванелыя, што толькі палоска асфальту нагадвала аб дарожцы, якая пралягае на гэтым месцы. 

У сярэдзіне верасня са здзіўленнем стаў заўважаць, што на некаторых тратуарах сталі адкрывацца схаваныя раней бардзюры. Як аказалася, высакародная і карысная задача была пастаўлена перад работнікамі КУВП “Бароўка”. Штодня брыгада па добраўпарадкаванні адчышчае дзясяткі, сотні метраў задзірванелых бардзюраў уздоўж пешаходных дарожак і тратуараў на вуліцах і ў дварах Лепеля. Часам разам з дзірванамі даводзіцца адчышчаць кавалкі асфальту і бетону, якія адсыпаюцца. 

У пераважнай большасці лепяльчане і госці горада ухваляюць выкананне важнай справы, дзякуюць камунальнікам, і толькі рэдкія людзі адносяцца скептычна. Такім адказваю: “Паспрабуйце рыдлёўкай адчысціць бардзюр хаця б у сваім двары, тады зразумееце, наколькі гэта цяжкая і важная справа.” 

З пачатку восені ў цэнтры горада расчышчаны ўжо кіламетры бардзюраў, адкапаныя дзірваны вывезены. Дзякуючы планамернай працы камунальнікаў у Лепелі паступова робіцца прыгажэй і ўтульней. 

Тэкст і фота В. МАТЫРКІ