Сустрэча воінаў -інтэрнацыяналістаў

Шмат мерапрыемстваў, прысвечаных 35-й гадавіне вываду савецкіх войск з Афганістана, прайшло ў Слабадской сярэдняй школе імя М. М. Пшонкі. 

З вучнямі правялі сустрэчу воіны-інтэрнацыяналісты на чале са старшынёй Лепельскай раённай арганізацыі "БСВВА" Сяргеем Крывялём. У мерапрыемствах таксамі принялі ўдзел ваеннаслужачыя 231-й артылерыйскай брыгады, прадстаўнікі ваеннага камiсарыята і  лепельскай ДАСААФ.

Завяршылася памятнае мерапрыемства мітынгам і траўрным салютам у Велеўшчыне, ля магілы Уладзіміра Садоўскага, які загінуў у Афганістане, выконваючы інтэрнацыянальны абавязак. На цяперашні час вядомы прозвішчы дваццаці пяці ўраджэнцаў Слабадскога сельсавета, якія служылі   ў Афганістане з 1979 па 1989 гады. Шэраг з іх адзначаны ордэнамі і медалямі СССР за выкананне інтэрнацыянальнага доўга.

Уладзімір Садоўскі быў пасмяротна ўзнагароджаны ордэнам Чырвонай Зоркі.